ناساندن:
دامەزراوەی بیرکردنەوەی ڕەخنەیی CTF ڕێکخراوێکی نا حکومی سەربەخۆی قازانج نەویستە، بارەگای سەرەکیی لە شاری سلێمانییە لە کوردستانی عێراق، کار دەکات بۆ بڵاوکردنەوەی فەرهەنگی بیرکردنەوەی ڕەخنەیی و داهێنەرانە، گەشەدان بە کارامەییە ڕۆشنبیری و پەروەردەیی و ئەکادێمیەکانی بیرکردنەوە، پەیڤینی ئازاد، ئارگیومێنتی لۆجیکی و خوێندەواریی میدیایی.
ئامانجەکان:
- بەکولتورکردنی بیرکردنەوەی ڕەخنەیی و بڵاوکردنەوەی چەمک و کارامەییەکانی لەناو کۆمەڵگادا.
- ئاشناکردنی کایە پەروەردەیی و ئەکادێمیەکان بە تیۆرە هاوچەرخەکان و ئەزمونی دامەزراوە جیهانیە پێشەنگەکان لە بواری بیرکردنەوەی ڕەخنەیی و داهێنەرانەدا.
- هاندانی خوێندەواریی میدیایی لەپێناو هەڵسەنگاندنی ڕەخنەیی بۆ هەواڵ و زانیاریی پەخشکراو لە دەزگاکانی راگەیاندن و پێگە کۆمەڵایەتیەکاندا.
- پەرەدان بە ڕەندییەکانی بیرکردنەوە و ڕەخنە و بەڵگەسازیی بۆ تێپەڕاندنی تەنگبینی و چەواشەگۆیی و لایەنداریی بێ بنەما.
- پەرەدان بە هۆشیاریی ڕەخنەیی بۆ بەرپەرچدانەوەی ئەو نەریتە کۆمەڵایەتی و پەروەردەییانەی جیاکاریی لە توانای هزری و زەینی تاک و گروپەکاندا دروستدەکەن لەسەر بنەمای تەمەن، جێندەر، رەچەڵەک، پێگەی سیاسی و پێشینی ئاینی و کولتوریی.
مێکانیزمی کار:
- ئەنجامدانی پڕۆژەی هۆشیارکردنەوە، سازدانی کۆنفرانس، کۆڕ، ۆرکشۆپ، خولی ڕاهێنان و چالاکی میدیایی.
- ئەنجامدانی پڕۆژەی تیۆریی و پشتیوانیکردنی توێژینەوە و نوسین و وەرگێڕان لە بواری بیرکردنەوەی ڕەخنەییدا.
- دامەزراندنی تۆڕی هۆشیارکردنەوە و گوشاری مەدەنی لەگەڵ رێکخراو و دامەزراوە هاوئامانجەکاندا.
- سازدانی دیبەیت لەنێوان تاکەکان و نوێنەرانی گروپ و رابەرە دیدسازەکانی کۆمەڵگا لەپێناو لەیەک گەیشتنی هاوبەش و ڕەندیی کۆمەڵایەتی.
- دامەزراندنی پەیوەندیی لەگەڵ ڕێکخراو و دامەزراوە ئەکادیمی و پەروەردەییەکان لە ناوخۆ و دەرەوەی وڵات لەپێناو ئاڵوگۆری شارەزایی و ئەنجامدانی پڕۆژەی هاوبەش.
- پێشکەشکردنی راوێژ، پڕۆژەی یاسا، رێنمایی و ئاکارنامە بە دامەزراوە رەسمی و ئەهلیەکان و ڕێکخراوە ناحکومیەکان.
- هەڵسەندگاندن و پێداچوونەوەی ڕەخنەیی بۆ پرۆگرامەکانی پەروەردە و فێرکردن، رێگاکانی وانەوتنەوە، یاسا و رێنمایی و بڕیارەکان، ڕەفتاری مامۆستا و فەرمانبەرانی گشتی لەو شوێنانەدا کە ناکۆکن لەگەڵ بیرکردنەوەی ڕەخنەیی و داهێنەرانەدا.